[dropcap]I[/dropcap] dag er det den store epledagen her i Noreg. Dagen har blitt feira sidan 1990 då Opplysningskontoret for frukt og grønt etablerte denne markeringa. På slik ein dag passar det då med mange alternativ til kva ein kan bruke eplet til i matlaginga. Her får du nemleg nokre av mine favorittar med epler!
Eple er av dei mest spiste fruktene her til lands og det er nok ikkje utan grunn. Dei norske eplene smakar ekstra godt og akkurat no bugnar det av dei både i hagane og på butikkane. Epler er friske å ete akkurat som dei er, men smakar også godt i både salte og søte rettar. Her er mine topp ti oppskrifter med den gode frukta! Oppskriftene finn du ved å trykke på linken på namnet eller ved å søke opp “eple” i arkivet!
Ein skikkeleg god pizza med kvit crème fraîche-saus, friske epler og salt spekeskinke er absolutt verdt å prøve seg på. Ein av mine favoritt pizza-oppskrifter!
2. Eplekrydderkake med karamellfrosting
Dette er ei utruleg saftig kake med epler, krydder og ein krem av kremost og karamell som du blir hekta på. Søtt, krydra og syrleg!
3. Kylling med epler i kvitvinskraft
Denne gryta med kylling med sprøtt skinn, epler og ein mild og aromatisk kvitvinskraft blir du garantert positivt overraska over. Desse smakane harmonerer perfekt saman og smakar nydeleg etter mi meining.
4. Eplepai
Kva er vel haust utan eplepai?! Denne høyrer med på menyen kvart einaste år.
Heimelaga granola med smak av epler og kanel er snadder på toppen av ein klatt yoghurt til frukosten.
Ein superenkel og smakfull pizza med norske poteter og epler. Herlig enkelt og herlig godt!
7. Tarte tatin
Ei liste over favorittrettar med epler er ikkje komplett utan ei oppskrift på tarte tatin. Denne franske klassikaren med sprø tertedeig og karamelliserte seige og søte epler er perfekt dessert.
8. Spekeskinkesurra kyllingbryst fylt med brie, eple & basilikum
Her snakkar vi skikkeleg saftig kyllingmiddag med søte og friske epler, salt spekeskinke og smelta brie!
9. Epleroseterte med vaniljekrem
Denne terta kan du fint servere på bordet når du har gjestar. Dekorativ, smakfull og nydeleg.
10. Røstipotetkake med epledressing & røykalaks
Denne retten passar fint både som forrett, lunsj eller ein liten middag. Her får du gode råvarer som dei fleste har i hus satt saman til eit flott lite måltid.