[dropcap]R[/dropcap]ugbrød blir ofte meir saftige og har lenger haldbarheit enn andre brød. Dette enkle brødet lagar du enkelt og eltefritt.
Til tross for at brød med ein del rug gir meir kompakte og tunge brød, så er det nettopp det som gjer at dette brødet blir så saftig og godt på smak. Brødet er også bakt med ein del kveite som gjer at det blir litt luftigare og lettare. Rug mettar i tillegg godt og er passande som kvardagsbrød. Som vanleg rører du saman deiga på nokre få minutt og let den stå på benken i mange timar før steiking. Resultatet er eit ganske så grovt brød med god smak og saftig konsistens.
[recipe-foody]Ingrediensar til 1 rugbrød:
- 400 g sammalt rugmjøl, grovt
- 400 g kveitemjøl
- 600 g vatn
- 15 g salt
- 10 g ferskgjær
- 2 ts honning
[/recipe-foody]
Bland saman alle ingrediensane i ein bolle til du får ei klissete deig. Dekk med plastfolie og lat stå på kjøkenbenken i ca. 10-12 timar.
Set ei jerngryte med lok på rist midt i steikeomnen og forvarm til 240 ºC. Strø eit godt lag med kveitemjøl på benken og hell ut deiga. Bruk rikeleg med mjøl på hendene og brett og form deiga til eit rundt brød. Dekk med eit kjøkenhandklede og lat kvile på benken i ca. 20-30 minutt.
Strø eit lite lag mjøl i botnen på den varme gryta slik at brødet ikkje set seg fast. Legg forsiktig brødet i gryta, ha på loket igjen og lat steike midt i omnen i ca. 35 minutt. Deretter tek du av loket og steiker vidare i ca. 10-15 minutt ekstra, til brødet er gyldent og har fått ei sprø steikeskorpe. Avkjøl på rist.
