Jordbær-& mascarponedessert

DSC_0904

Denne jordbærdesserten lagar du på 1-2-3 og har raskt noko friskt og søtt å servere ein fin sommardag! Desserten har limemarinerte jordbær med mascarponekrem og søte og knasande amarettikjeks med god smak av mandel.

Dei norske jordbæra er enda ikkje komne i butikken såvidt eg har fått med meg, men når dei gjer det så vil nok denne desserten bli enda bedre på smak! Desserten er kjapp å mekke saman og bør serverast umiddelbart. Amarettikjeksa til desserten kan du fint kjøpe ferdige på butikken også, men eg vil allikevel anbefale å ha eit glas med heimelaga kjeks på lur til både denne desserten og masse anna godt.

Ingrediensar til 3 porsjonar med jordbær-& mascarponedessert:

  • 175 g jordbær
  • 1 lime, safta
  • 1-2 ss fersk mynte, finhakka
  • 1-2 ss sukker (smak deg fram)
  • 100 g mascarpone
  • 1 dl fløte
  • 2 ss sukker
  • ca. 12 stk amarettikjeks (oppskrift her)

Skjær jordbær i to eller fire og ha dei i ei skål saman med safta frå ein lime, fersk mynte og sukker og la det stå og marinere i ca. 10 minutter.

Finn fram tre dessertglas eller liknande. Ha mascarpone i ein bolle og pisk den litt slik den mjuknar. Ha i fløte og sukker og pisk det til du får stiv krem. Knus ca. 3-4 amarettikjeks i kvart av dessertglasa og legg ein god klatt med mascarponekrem i kvart glas. Fordel dei marinerte jordbæra og safta i glasa og topp med litt ekstra mascarpone på toppen. Knus over nokre smular med kjeks og topp med litt fersk mynte. Server og nyt umiddelbart!

Legg att eit svar

Epostadressa di blir ikkje synleg. Påkravde felt er merka *