Laks & risnudler i kokosmjølk

[dropcap]A[/dropcap]siatisk-inspirerte fiskerettar er passande sommarmiddag der ein ønsker noko smakfullt og lett. I denne retten er dei steikte laksefiletane servert saman med risnudler, ferske grønsaker og aromatisk kraft med kokosmjølk.

Sjølv er eg svært glad i laks saman med nudler eller pasta og masse friske grønsaker, og synest det gir eit lettare måltid no på denne tida av året. Prøv gjerne å bytte ut det vanlege kjøtet i wok eller rettar som denne du også! Har du ikkje risnudler kan du fint erstatte med eggenudler eller glasnudler også.

syNWOjuBQJeMcuQeXYhe4A_thumb_6e9c

[recipe-foody]Ingrediensar til ca. 4 personar:

  • 4 x 125 g laksefilet, skinn-og beinfri
  • 1 liten rødløk
  • 350 g kokoskrem (eg brukar Blue Dragon kokoskrem)
  • 7 ½ dl fiskekraft (evt. grønsakskraft)
  • 1 stor gulrot
  • ½ squash
  • ½ raud paprika
  • 2 fedd kvitløk
  • 1 ½ ts chilipulver
  • 1 ½ ts paprikapulver
  • 1 ½ ts raud currypasta
  • salt & pepar
  • lime, safta
  • olivenolje, til steiking
  • risnudler ( evt. glas-eller eggenudler), til servering

[/recipe-foody]

Varm opp litt olivenolje i ein stor kjele. Finhakk kvitløk og la den surre i kjelen på middels varme saman med currypasta, chilipulver og paprikapulver i eit par minutt. Ha i fiskekraft og lat det koke opp. Tilset kokoskrem og lat det småputre på lav varme i ca. 5-10 minutt. Skjær opp alle grønsakene i tynne strimlar på ca. 5 cm lengde og legg til sides.

Kok nudler etter anvisning på pakken. Ha grønsakene i kokosmjølka og lat dei få småputre i 2-3 minutt, slik dei framleis har litt tyggemotstand. Krydre laksefiletane med salt og pepar og steik dei i ei steikepanne med litt smør eller olje til dei får ei gylden steikeskorpe og såvidt er gjennomsteikte. Smak til kokosmjølkkrafta med salt, pepar og lime. Server nudler i skål og hell over kokosmjølk, grønsaker og til slutt laksefileten på toppen. Skvis gjerne litt ekstra limesaft over for ekstra frisk smak.

Legg ved ein kommentar

Epostadressa di blir ikkje synleg.

*