Lammekotelettar med marokkanske smakar

hrfr5ksvtvahxdohcr2bya_thumb_653a

Krydder og masse smak er det eg absolutt vil føretrekkje når det gjeld middagsmat. Spesielt kjøt av lam synest eg smakar ekstra godt når det er godt krydra med eksotiske smakar. Desse kotelettane har milde og aromatiske smakar frå krydder som kanel, spisskummen og nellik som passar godt saman med friske granatepler og raitadressing med mynte.

Middagsretten lagar du lettvint på kun 30 minutt og så har du plutseleg ein smakfull og eksotisk rett på middagsfatet både til kvardag og helg. Retten kan fint serverast saman med kokt ris, salat eller naanbrød og liknande.

vmqxiz0dsa6cl6j2f43dbq_thumb_6539

Ingrediensar til lammekotelettar for ca. 4-6 personar:

  • 1 kg lammekotelett
  • 4 ts spisskummen, malt
  • 2 ts paprikapulver
  • ½-1 ts kanel, malt
  • ½ ts chilipulver
  • 2 ts tørka koriander
  • ½ ts nellik, malt
  • salt & peppar
  • olivenolje

Raita:

  • ¾ agurk
  • 3 dl gresk yoghurt
  • ¾ ts spisskummen, malt
  • 1 ts tørka mynte
  • sitronsaft
  • salt & peppar

Til servering:

  • grøn salat
  • granateple
  • pinjekjerner
  • fersk mynte
  • evt. kokt ris/naanbrød etc.

Forvarm steikeovnen til 200 ºC.

Bland saman alle kryddera til lammekotelettane. Legg kotelettane i ei ildfast form og strø over alt krydderet saman med ein god klunk med olivenolje. Gni krydderet inn i kjøtet. Sett forma midt i steikeovnen og la stå i ca. 20-25 minutt.

For å lage raita raspar du agurken grovt på eit rivjern. Klem ut det meste av væska frå agurken. Ha agurk, yoghurt, spisskummen og mynte i ei skål og rør det saman. Smak til med sitron, salt og peppar.

Server lammekotelettane saman med raita, salat, pinjekjerner og rikeleg med granateplekjerner og gjerne naanbrød eller liknande.

Legg att eit svar

Epostadressa di blir ikkje synleg. Påkravde felt er merka *