Rustikke hasselnøttrundstykker

DSC_0223

Rundstykker med rustikt preg og masse smak av hasselnøtter som smakar nydeleg med både søtt og salt pålegg på. Desse rundstykka blei luftige og fikk ein framtredande nøttesmak som er perfekt for ein nøtteelskar som meg.

Rundstykker og brød i alle former og variantar med frø og nøtter er noko av det beste eg veit. Den herlege nøttesmaken er utruleg god saman med både spekepølser, ostar og søte pålegg. Ekstra godt er det med rykande ferske og varme rundstykker med noko så enkelt som berre ein god klatt ekte smør. Rundstykka er også perfekte på ostebordet og saman med gode syltetøy og marmeladar.

Ingrediensar til ca. 15-16 stk hasselnøttrundstykker:

  • ca. 100 g hasselnøtter
  • 3 dl heilmjølk, romtemperert
  • 2 dl lunka vatn
  • 40 g gjær
  • 2 ts salt
  • 1 ss maltekstrakt
  • 4 dl fullkornshvetemel
  • 6-7 dl hvetemel

Start med å riste hasselnøttene i ei panne på lav varme til det begynner å lukte godt av nøtter og dei har blitt lett gyldne på farge. Sett til sides og avkjøl.

Ha mjølk, vatn, gjær, salt og maltekstrakt i ein bakebolle og rør rundt til gjæren har løyst seg opp. Tilsett alt fullkornshvetemelet og det meste av hvetemelet. Elt saman til ei smidig og fast deig i kjøkkenmaskin i ca. 10 minutter. Gradvis tilsett resten av hvetemelet etter behov. Dekk med plastfolie og sett til heving på ein lun plass i ca. 2 timar, eller til dobbel størrelse.

Forvarm steikeovnen til 225 ºC. Hakk opp hasselnøttene grovt og hell dei over deiga. Kvelv ut deiga på kjøkkenbenken og vend, brett og vri inn nøttene i deiga. Prøv å ikkje slå saman deiga for mykje under prosessen slik at du beheld lufta i deiga. Bruk ei deigskrape og del opp i ca. 15-16 rustikke emner med deig og sett på bakepapirkledd steikebrett. La rundstykka etterheve i ca. 45 minutter, til dei er dobla i størrelse.

Pensle rundstykka med litt vatn og strø over litt fullkornshvetemel. Sett midt inn i steikeovnen og la dei steike i ca. 15 minutter, til dei er gyldne og har fått ei sprø steikeskorpe. Avkjøl på rist og nyt saman med godt pålegg.

DSC_0221

Legg att eit svar

Epostadressa di blir ikkje synleg. Påkravde felt er merka *