Sjokoladekjeks med valnøtter & kanel

DSC_0079

Mjuke, seige og mektige sjokoladekjeks med valnøtter og eit hint av kanel. Desse kjeksa smeltar på tunga og gir ein mildt krydra smaksopplevelse.

Kjeksa kan minne litt om browniecookies i konsistens, men får ein kontrast i dei gode bitane av valnøtter. Kanelmengda er akkurat nok til at du kjenner smaken utan at det overdøyver alt anna av smakar. Om du ikkje er glad i kanel kan du fint droppe det og få ein litt enklare og reinare smak av sjokoladen og nøttene.

DSC_0084

Ingrediensar til ca. 22 stk sjokoladekjeks:

  • 320 g mørk kokesjokolade
  • 225 g smør
  • 3 egg
  • 2 ½ dl sukker
  • 2 ts vaniljeekstrakt
  • ½ ts bakepulver
  • ½ ts salt
  • 3 ss sterk avkjølt kaffe
  • 2 ½ dl hvetemel
  • 1 ss bakekakao
  • 2 ss kanel
  • 2 ½ – 3 dl valnøtter, grovhakka

Forvarm steikeovnen til 175 ºC.

Smelt sjokolade og smør i ein kjele over lav varme under omrøring til nesten all sjokoladen er smelta. Trekk frå plata og rør litt i det innimellom. Pisk egg, sukker, vanilje, bakepulver og salt i ca. 5 minutter, til det er tjukt og luftig. Tilsett sjokolade-og smørblandinga og kaffe og bland godt saman. Sikt deretter inn hvetemel, kakao og kanel og bland det godt inn utan å røre for mykje i røra. Ha i hakka valnøtter og vend dei forsiktig inn. Lat røra stå på kjøkkenbenken litt slik den får stivne litt.

Når røra er fast nok til at du kan forme runde bollar brukar du enten to spiseskeier eller ei iskrem/cookiescoop til å forme runde kuler. Ta ca. 2 ss med røre pr kjeks og legg med god avstand mellom kvar på bakepapirkledd steikebrett, då kjeksa vil flyte ganske mykje utover. Om du har lyst på litt ekstra kanelsmak kan du også drysse på litt ekstra på deigkulene før steiking. Sett midt inn i steikeovnen og steik i ca. 12 minutter, eller til kjeksa har stivna og krakkelert på utsida men framleis er mjuke i midten. Avkjøl på steikebrettet før du flyttar på dei. Kjeksa er supre å fryse ned og tinar på null komma niks!

DSC_0092

Legg att eit svar

Epostadressa di blir ikkje synleg. Påkravde felt er merka *