Eplesmør

[dropcap]E[/dropcap]plesmør er overraskande godt og smakar nesten som karamellisert eplemos. Eplesmør inneheld ikkje smør i det heile, men har derimot smørekonsistens som smør og er nydeleg godt på brødskiva.

Eg hadde ein haug med epler frå hagen liggjande og var i utgangspunktet tenkt å koke eplemos. Den tanken er eg glad eg slapp taket på no. Eplesmør har ein heilt nydeleg smak av karamellisert sukker, epler og kanel. Bruksområda er dei same som med eplemos, men smaken synest eg derimot er i ei klasse for seg sjølv. Vanleg eplemos smakar ein del friskare, men dette var så godt at det er vanskeleg å ikkje foretrekke.

Det tek litt lenger tid å koke eplesmør enn eplemos, men sjølve arbeidet gjer seg sjølv. Prøv eplesmøret på brødskiva, pannekaker, vafler, over iskrem, til ostefatet eller som fyll i herleg gjærbakst eller kaker.

Bjss2thwRpysgMY++CWSBw_thumb_71ed

Zudpx95oQhaJMJ1c6XcLIw_thumb_71f7

[recipe-foody]Ingrediensar til to middels store glas eplesmør:

  • 1 ½ kg eple (helst norske aromatiske eple)
  • 2 ss sitronjuice
  • 2 ½ dl eplejuice/eplemost
  • 200-225 g sukker (smak deg fram)
  • 100 g brun farin
  • 1 ts vaniljesukker
  • 1 kanelstong

[/recipe-foody]

Skrell epla og fjern kjernehus. Skjær epla i båtar og del dei gjerne i to dersom dei er store. Ha i ein stor kjele saman med sitronjuice og eplejuice og kok forsiktig opp. I starten vil det nok sjå ut til å vere for lite væske til å koke, men det kjem seg raskt. Kok epla møre på middels varme.

Bruk ein stavmiksar og kjør til purè. Deretter har du i sukker, brun farin, vaniljesukker og kanelstong. Lat det småkoke på lav temperatur i minst 1 times tid. Rør med jamne mellomrom slik det ikkje brenn seg fast i botnen. Eplesmøret er ferdig når det har fått ein passe tjukk og smørbar konsistens og gylden karamellbrun farge. Hell over på reine og steriliserte glas og oppbevar mørkt og kjølig, så held dette seg ei god stund framover. Eventuelt kan du også fryse ned i passande emballasje.

Legg ved ein kommentar

Epostadressa di blir ikkje synleg.

*