[dropcap]B[/dropcap]ærsirupar har eit allsidig bruksområde og fungerer like bra på søte og salte rettar. Denne granateplesirupen smakar både søtt og syrleg og kan brukast til det meste!
Granateple har ein søt, syrleg og litt bitter smak som gjer at det passar like bra på dessertar, middagsrettar og i salatar. Dei knallraude små frøa sett farge og friskheit til dei fleste typar rettar. Prøv denne sirupen gjerne saman med viltkjøt og norsk tradisjonsmat som kjøtkaker og liknande. Porsjonen her blir ganske liten, men sirupen er drøy i bruk.
[recipe-foody]Ingrediensar til ca. 1 dl ferdig granateplesirup:
- 2 store granatepler (5 dl rensa frø som gir 2 ½ dl juice)
- ½ dl sukker
- 1 ss lys sirup
- sitronsaft
[/recipe-foody]
Eit lite tips for å få frøa frå granatepler ut frå det kvite skalet er å skjære granateplet i to og legge det i ei stor skål med kaldt vatn. Bryt skalet frå kvarandre og grav forsiktig ut frøa med fingrane medan det ligg under vatn i skåla. På denne måten slepp du at det sprutar fruktsaft utover alt. Gjenta dette med begge granatepla og skill frø frå det kvite. Tørk forsiktig vatnet frå granateplefrøa og ha dei i ein stavmiksar og kjør nokre sekund, til du har fått granateplejuice. Sil av kjernerestane og fruktkjøt frå juicen og ha den reine fruktsafta (du skal sitte igjen med ca. 2 ½ dl) i ein kjele saman med sukker og sirup og kok forsiktig opp. Skru ned temperaturen og la det småputre forsiktig til væska har redusert til ca. halvparten. Dette kan ta rundt 30 minutters tid. Ta kjelen av varmen og smak til med sitronsaft. Hell over på eit lite glas eller liknande og oppbevar kjølig.
Er det mulig å lage gelé av granateplesirup?
Hei! Det har eg ikkje prøvd på før. Så der kan eg nok ikkje svare deg. Men vil tru det skal funke om du brukar godt med pektin 🙂
Supert, her lager jeg det med ca 8-10 granatepler, i en kasserolle med en presset saft av sitron ( sitronen er konserveringsmiddelet for lengre holdbarhet) kokte sakte opp, skrudde av i 5 min ( dette for at frøet/bæra skal få sette seg og løsne fra stenen) så kokte sakte opp, silte av, målte opp vesken i ml, kokte opp og tilsatte lik mengde ml i sukker litt om litt, slik at sukkeret rekker å smelte. Deretter småkoke min 30 min…fra da tar jeg sirupstest ( slik jeg gjør med geletest, avkjølt fat/skål fra kjøleskapet og legger i en skje med sirup, venter 1 min og rører i den, da ser jeg om hvor langt prosessen er kommet), er det riktig konsistens, siler jeg av det skum som er der, heller det på rene sterile glass ( vasket og kokt, kokt i 10 min, eller satt i ovnen på rist i 10 min på 100 grader) Det er ganske mye pektin i frukten som gjør seg fint til gele ?
Høyrest spennande ut! 🙂 Har laga gelè av mykje forskjellig, men aldri prøvd med granatepler før, så dette blir neste på lista 🙂
Om du velger å bruke min oppskrift til gele, ville jeg ha tilsatt 1/2-1 ts fruktpektin ?
Mitt råd er å kna granateplet, da løsner frøene mye lettere og man sparer seg for tiden i vann……
Takk for tips 🙂 Eg gjer det oftast under vatn slik eg slepp all saftspruten utover klede og kjøken i tillegg 🙂