Kvit sjokolade-og hasselnøttmousse

[dropcap]D[/dropcap]enne dessertmoussen er søt og fløyelsmjukt krema og har ein utprega smak av hasselnøtter. Er du glad i nøtter, sjokolademousse og søte dessertar vil du nok også like denne herlegheita.

I desserten har eg brukt hasselnøttpraline som eg har lagt ut framgangsmåte på tidlegare. Dette har eg stort sett alltid ståande på glas til ei kvar tid og brukar det til forskjellige kaker og dessertar. Har du laga praline på førehand er det mykje enklare å få denne desserten klar, så lag gjerne den ein dag i forveien så blir alt litt enklare. Det samme gjeld dei karamelliserte hasselnøttene til pynten.

DSC_0407

[recipe-foody]Ingrediensar til sjokolade-og hasselnøttmousse for ca. 6 personar:

  • 1 ½ dl kremfløte
  • 4 eggeplommer
  • ½ dl sukker
  • ¼ ts vaniljepulver
  • 100 g kvit sjokolade
  • 100 g hasselnøttpraline (etter framgangsmåte her)
  • 1 klype havsalt
  • 2 ½ dl kremfløte

Karamelliserte hasselnøtter:

  • 75 g hasselnøtter
  • 60 g sukker
  • 25 g vatn
  • havsalt

[/recipe-foody]

Finhakk den kvite sjokoladen, ha den i ei skål og sett til sides. Pisk eggeplommer, sukker og vanilje i ca. 3 minutter, til det er luftig. Varm opp 1 ½ dl kremfløte i ein kjele til det akkurat når kokepunktet. Ta kjelen av varmen og hell ca. ein tredjedel over i eggeblandinga medan du rører godt samtidig slik du unngår at det blir eggerøre. Ha deretter i resten av fløten og rør godt rundt før du heller alt tilbake i kjelen og sett den på plata igjen over lav varme. La blandinga tjukne under stadig omrøring til den dekker baksida av ei skei og lignar på ein ganske tjukk vaniljesaus. Hell eggeblandinga gjennom ei sil og over den kvite sjokoladen. La det stå eit minutt før du rører rundt i det til all sjokoladen er smelta inn i eggeblandinga. Bland inn hasselnøttpraline og havsalt til du får ein glatt krem. La blandinga kjølne litt i romtemperatur. Stivpisk 2 ½ dl kremfløte og bland inn ein tredjedel av det i sjokolade-og nøttekremen. Vend deretter inn resten av den stivpiska kremfløten forsiktig slik du beheld ein luftig krem. Fordel moussen i 6 porsjonsglas eller skåler og sett til avkjøling i kjøleskap i ca. 3-4 timar eller gjerne over natta.

Medan moussen står til avkjøling kan du karamellisere hasselnøttene. Forvarm steikeovnen til 150 ºC. Ha hasselnøttene i ei ildfast form inn i den forvarma ovnen og la dei stå i ca. 10-15 minutter, til dei er varme og skalet sprekk opp på nøttene. Ha sukker og vatn i ein kjele og la det varme seg opp og smelte over medium varme på plata. La sukkersirupen koke til den får ein lys gylden karamellfarge. Ta ut nøttene og bruk eit kjøkkenhandklede til å gni nøttene slik at mesteparten av skalet løsnar. Ha deretter nøttene oppi sukkersirupen og rør rundt til alle hasselnøttene er dekt av karamell. Strø over litt havsalt og hell nøttene utover på eit bakebrett og la det avkjøle seg og stivne heilt.

Før servering hakkar du opp mesteparten av dei karamelliserte hasselnøttene og lar nokre vere heile. Strø over toppen på sjokolade-og hasselnøttmoussen og server. Om du vil kan du gjerne rive litt sjokolade eller pynte med sjokoladedekor på toppen. Ønsker du noko litt friskt saman med desserten kan du gjerne tilsette for eks. litt multer eller mandarinskiver på toppen, pass berre på at du ikkje brukar bær som er for skarpe på smak og overdøyver moussen.

DSC_0420

4 Kommentarar

  1. Holder på å lage hasselnøttpraline nå, dette blir desserten på julaften! ☺?

    • Spennande!:) Hasselnøttpralinen er super å bruke til diverse som for eks. konfekt og søtsaker til jula også. Håper både julaften og desserten blir vellykka!:-D

      • Hasselnøttpralinen ble ikke akkurat som en puré, mer som en litt kornete saus … jeg tok kanskje oppi for mye olje for tidlig? lurer på om jeg prøver en gang til! ☺ for den skal være som en puré, uten at du kjenner sukkeret når du smaker på det?

        • Da har du kanskje hatt i for mykje olje ja.. Men la den berre stå i glaset og så vil oljen legge seg som ett lag på toppen etter nokre dagar slik du kan helle av oljen på toppen 🙂

Legg att eit svar til Eirin Avbryt

Epostadressa di blir ikkje synleg.

*