[dropcap]S[/dropcap]urdeigsbrød får ein meir intens smak og skorpe som er skikkeleg seig og sprø. Desse rundstykka er laga med surdeig og har nydeleg god smak og struktur.
Å bake med surdeig er noko heilt anna enn med vanleg gjærbakst og krever at du let deiga få heve ekstra lenge for å utvikle seg. Smaken på surdeigsbrød blir lett syrlig og brødet får ein fin struktur med luftlommer og ei herleg sprø skorpe på utsida. Desse rundstykka inneheld litt sammalt mjøl, men er likevel under kategorien fint brød. Rundstykka er enkle å lage så lenge du har ein aktiv surdeigskultur og let deiga heve tilstrekkeleg lenge.
[recipe-foody]Ingrediensar til ca. 10 stk store rundstykke:
- 180 g aktiv surdeigskultur (oppskrift til surdeig finn du her)
- 5 dl romtemperert vatn
- 600 g kveitemjøl
- 200 g sammalt grovt kveitemjøl
- 1 ts salt
- 1 ts mørk sirup
[/recipe-foody]
Ha surdeig, vatn, salt og sirup i ein bolle. Tilset mesteparten av mjølet og elt deiga godt i maskin i minst 8-10 minutt. Juster eventuelt med meir mjøl etter behov. Når deiga er glatt og smidig former du den rund og dekker bollen med plastfolie. Lat deiga heve i ca. 3-4 timar på kjøkenbenken slik den får ein kjapp start. Set deretter deiga i kjøleskapet over natta eller i minimum 8-10 timar.
Hell deiga ut på mjølete kjøkenbenk og del opp i ca. 10 like store emner. Form dei forsiktig til ovale rundstykker og set på bakepapirkledd steikebrett. La etterheve under kjøkenklede i ca. 1 times tid, eller så lang tid det tek før dei er dobla i volum.
Forvarm steikeomnen til 240 ºC. Snitt rundstykka på toppen med ein skarp kniv og set midt i omnen. Lat steike i ca. 20 minutt, til rundstykka er sprø og gyldne på utsida. Avkjøl på rist.